Poland-in state media khuahkhirh dawn

Poland President  chuan an state media khuahkhirhna tur dan thar siam chu a pawmpui a, hei hian sawisel a hlawh nghal hle.

Media law thar siamah hian sorkar chu public TV leh radio hotute bakah civil service director turte ruat tura thuneihna pek a ni. Treasury minister chuan broadcasting chief-te ruat leh ban theihna a nei tawh dawn a, he thuneihna hi a hma chuan media supervisory committee kutah dah ṭhin a ni.

European media chuan Poland sorkar thiltih dan hi an sawisel a, EU Commission chuan Poland hian EU hlutna a tichhe thei niin a ngai. President thupuangtu, Malgorzata Sadurska chuan President Duda-an media law thar a pawmpuina chhan chu state media-te chu thlei bik nei lo leh rin ngam an nih a duh vang a ni, a ti.
Nikum October thlaa inthlanpui neiha hnehna changtu, Law and Justice Party (PiS) chuan public service channel-a journalist-te chu an thu puanchhuah danah ṭan lam neia thil an tih ṭhin thu a sawi.