Trump-a rally-na aṭangin Muslim hmeichhia hruaichhuak
US Republican presidential candidate, Donald Trump-a'n kar kalta Zirtawpni-a South Carolina-a Winthrop University-a rally a neih ṭumin, rally-na hmun aṭang hian Muslim hmeichhia Rose Hamid chu hruaichhuah a ni.
Rosa Hamid hian Trump-a'n Muslim chungchang a lo sawi tawh danah lungawi lohna lantir nan rally-ah hian ngawi rengin a lo ding a, mahse hruaichhuah a ni ta a ni. He thil thleng avang hian Council on American-Islamic Relations chuan Donald Trump chu ngaihdam dil turin a phut.
Rally-naah Rose Hamid hian t-shirt-a 'Salam, I come in peace' tih thu inziak hain a tel a, security officer-te chuan a awmna hmun chu chhuahsan turin an hrilh a, an hruaichhuah lai pawh hian mipui pungkhawmte chuan an lo au el hluah hluah niin a sawi.
Trump hian Inrinni khan Iowa-ah campaign a nei chhunzawm a, hetah hian South Carolina-a thil thleng chungchang hi engmah a sawilang lo. Mahse US-a Muslim te luh khap a rawtna chu a sawi nawn leh thung.