Kosovo-ah mipui lungawi loten buaina siam

Kosova sorkarin an ram awp ṭhintu, Serbia nena inremna an siam avanga lung≠awi lo mipui thinrimte chuan Inrinni khan buaina siamin, an ram khawpui, Pristina-a goverment headquarters an hal.

Mipui lungawi lo pungkhawm hian government headquarters hi petrol bomb-in a bomb a, mahse a kan nasat hmain kangṭhelh pawlte'n an ṭhelh mit thei a ni. Mipui pungkhawmte hnawhdarh nan hian police-te chuan mittui tlakna hlo an hmang bawk.

Eptu hruaitute chuan Serbia inremna an siampui avangin sorkar chu bang tur leh, inthlan ṭhat neih an phut thu an sawi.

Police-te chuan Pristina-a buaina chhuakah hian mi 28 in hliam an tuar a, an zingah mi 24 chu police officer an ni tih an sawi. Lungawi lohna lantir pungkhawm zing mi 40 chu man an ni a, an hmanraw ken, chem leh petrol bomb-te man sak an ni.

Hemi hma hian mipui thinrim hian police motor-te chu petrol bomb, lung leh bur tein an bei bawk.

Kosovo sorkar chuan thuchhuah siam≠in, an rama tha≠rum thawhna thleng chungchangah eptu hruaitute chu mawhphurhtu-ah a puh. Sorkar chuan eptute thil tum ber chu tha≠rum thawhna hmang≠a sorkar paihthlak a, dan leh thupek pawh pawisa loa sorkar hmun pawimawhte leh an kutah thuneihna hlan a ni, a ti.

Hetihlai hian eptu lam chuan sorkar a ban hma chuan lung≠awi lohna lantir chhunzawm zel an tum thu an sawi thung.

Kosovo hian kum 2008 khan khaw≠thlang ramte puihnain Serbia aṭangin independene a puang a, Serbia chuan a pawm loh thu a sawi.