US-in Korean Peninsula-ah B-52 bomber a tir

North Korea-in hydrogen bomb a enchhin hnuah, US chuan Korean Peninsula-ah B-52 bomber a tir.

Kar kaltaa NKorea-in hydgogen bomb a enchhin chu ram hrang hrangtin nasa takin an sawisel a, United Nations Security Council pawhin hremna pek dan tur ngaihtuah a tum. Mahse NKorea hotu, Kim Jong-un chuan hydrogen bomb an enchhin hi an ram venhimnna tura an hmalakna kawng khat niin a sawi thung.

NKorea nuclear test hian US leh China a tithinur hle a, US sorkar leh ralthuam lama mi thiamte chuan NKorea-in hydrogen bomb a nei nia a sawi hi an ringhlel a ni.

B-52 bomber hi Guam aṭangin Korean Peninsula-ah hian tirh a ni a, nuclear ralthuam phur thei a nih bakah, fighter plane pahnih, USF-16 leh South Korean F-15 a phur tel bawk.

South Korea pawhin Zirtawpni aṭang khan ramri-ah North lam hawiin loudspeaker broadcast a chhunzawm a, North Korea sawi≠selna leh chanchin thar dangte a puangchhuak ṭhin. Loudspeaker hmanga an thu tihchhuah hi North Korea sipaiten an ngaihthlak tur venna atan, NKorea lam pawhin a hranin speaker hmangin thu a tichhuak ve bawk.