Catalonia-in regional president thlang dawn

Spain aṭanga inlakhran tum, Catalonia bial chuan indepen≠dence thlawptu party-te chuan ṭangrual sorkar din an remtih tak avangin assembly member-ten regional president an thlang dawn ta.

Ṭangrual sorkar siam≠tu, CUP (Popular Unity Candidacy) party leh Junts pel Si (Together for Yes) chuan regional president atan hian Calrs Puigdemont an thlan rin a ni.

Party pahnihte hi president ni lai, Artur Mas-a dah chhunzawm chungchangah an inrem thei lo a, Mas hian inthlan ṭhat buatsaih ai chuan tiin Puigdemont tan hian a hmun hi a kian ta a ni.

Junts pel Si hotu, Artur Mas hi kum 2010 aṭang khan Catalonia regional president a ni a, nikum September thlaa assembly inthlan neihah khan an party hian seat 135 awm aṭangin seat 62 an la a ni. Mahse party mala sorkar an siam theih loh avangin seat 10 neitu, CUP an thawhpui a, CUP hian Mas hi president-a dah chhunzawm an duh lo a ni.