Beijing-a sumdawnna hmun 2,500 kharsak dawn

Beijing khawpui chhunga sumdawnna hmun tenau 2,500 te chu kumin chhungin kharsak an ni dawn.

Hei hi khawpui chhung boruak tihthianghlimna tura Beijing municipal govenrment hmalakna peng pakhat nia sawi a ni.

Sumdawnna hmun an kharsak turte hi Beijing chhim lam district pali - Fengtai, Fangshan, Tongzhou leh Daxing amite an ni. Khawpui chhung chhim lam boruak hi hmarlam aiin a bawlhhlawh zawk a ni.

Beijing municipal government chuan khawpui boruak bawlhhlawhtu langsar leh lian thamte pawh khawpui aṭanga sawnchhuah an lo ni tawh tih a sawi. Heng bakah hian restaurant, hostel leh automobile repairer-te pawh khawpuia boruak tihbawlhlhawhtu an ni tiin, kum 2017-ah chuan district pali aṭang hian heng hmunte hi tihtawp vek tum a ni, a ti.