Turkey-a Tesla factory siam turin Elon Musk ngen

Turkish president Recep Tayyip Erdogan chuan Tesla CEO, Elon Musk chu an rama Tesla Factory siam turin a ngen tih sorkar media agency, Anadolu chuan a tarlang.

Erdogan chuan New York-a Turkish House-a Musk nena meeting an neihnaah he ngenna hi a siam a ni. Turkey President hi United Nations General Assembly vawi 78-na hmang turin US-ah a cham mek a ni.

Musk hian Israel prime minister Benjamin Netanyahu pawh a hmu dawn a, artificial intelligence technology chungchang an sawi dun dawn tih X-ah post-in a tarlang.

Tesla hian low-cost electric vehicle (EV) siam chhuahna tur factory chu India-ah bun a duh thu August khan a lo sawi tawh a ni. Kuminah Tesla share hi 123% in a pung chho a, motor maktaduai nga an siam chhuak tawh.