UN-in General Assembly vawi 70-na lawm

13th January, 2016

United Nations chuan Thawhṭanni khan General Assembly meeting 70th anniversary lawmna a buatsaih.

Assembly meeting hmasa ber hi kum 1946 khan London-ah neih a ni.

Kum 70 kaltaa assembly meeting neih hmasak berah hian London-a Westminster Central Hall-ah ram 51 aiawhte an tel.

Thawhṭannia-a a lawmna hun buatsaihah hian General Assembly 70th session president, Mogens Lykketoft chuan thu sawiin, khawvelin indona leh chhiatna nasa tak a tawh hnuah ram hrang hrangte chuan inpumkhata thawhho an duh ta a ni, a ti.

"General Assembly-ah hian member ram 193 awmin, khawvela mihring awm zinga 99.5% aiawhte an tel a ni," tiin a sawi.

General Assembly hi UN policy siamtu pui ber niin, member ram tinte hian vote khat ṭheuh an nei a, kumtinin session president tur hi an thang ṭhin.