Syria-in danpui thar a mamawh: Putin

Russia President Vladimir Putin chuan Syria ram chuan ram danpui thar a mamawh tiin a sawi.

German chanchinbu, Bild-in a kawmnaah Syria tual≠chhung indona thleng mek chinfel a nih theihna turin Syria chuan ram danpui thar siam tura hma a lak a ngai a ni, tiin Putin chuan a sawi a, mahse hei hi thil harsa tak tur a nih thu a hriatthiampui tih a sawi nghal bawk. Mahse ram danpui thar siam a nih chuan president leh parliamentary election pawh hma zawka an neih theih tur thu a sawi.

Putin hian Syria President Bashar al-Assad a thlawp a, President Assad-a kaihhruai sorkar duh loa helte lakah pawh beihpui a thlak a ni.

Hetihlai hian khawthlang ramte'n Syria helpawl bituma an puhna chu chhangin, Putin chuan Islamic State (IS) firfiak pawl lakah an sipaite chuan beihpui an thlak reng thu a tarlang.