Baghdad-a bomb puakah mi 19 an thi

Iraq khawpui, Baghdad, al-Jawhara shoppping centre-a bomb puakah mi 19 an thi a, mi 48 in hliam an tuar.

Thawhṭanni khan New Baghdad-a Shia Muslim bial chhunga shopping mall-ah car bomb tihpuah a ni a, bomb puah hnu hian pawikhawihtute chuan silai nen mall chhung hi an luhkhung nghal bawk.

Police-te nen hun eng emaw chen an inkah hnuah pawi≠khawihtu mi pali zinga pahnih an kaphlum a, mi pahnih an man. Mall beihnaa thi zingah hian police officer pali an tel bawk.

Hemi ni vek hian Baghdad hmarchhak lam km 80 vela hla, Diyala province, Muqdadiya khuaa casino-ah bomb pahnih tihpuah a ni bawk a, mi 18 an thi.

Islamic State of Iraq and the Levant (ISIL) firfiak pawl chuan Baghdad leh Diyala province beitute an ni tih an sawi.