Germany-ah Islam movement duhloin kawng zawh

Germany khawchhak lama Leipzig khawpuiah Thawhṭanni zan khan mi tam takin Islam movement Legida duh lohna lantirn kawng an zawh.

Legida dodalna lantira kawngzawhah hian tel an ṭhahnem hle a, trade union, commerce, culture leh association hrang hrang bakah Germany party-te pawh an tel.

Student group, Durchgezaehlt chuan rally-ah hian mi 2,500 - 2,900 inkar an tel niin a sawi a, an zinga tam zawk hian bati kengin khawpui lun laiah 'chain of lights' an siam a ni. Hetihlai vek hian khawpui chhung hmun dangah Legida thlawptu mi 2,000 chuangin kawng an lo zawh ve bawk.

Khawpui chhunga pawl hnihin kawng an zawh rual avangin buaina a chhuah palh venthawn thilah police ṭhahnem tham tak duty tir an ni a, buaina lian tham chhuak a awm lo nia hriat a ni.