Parliamentary Committee-in Home Secretary ko

Parliamentary Standing Committee chuan Union Home Secretary Rajiv Mehrishi chu Pathankot airbase beih a nih chungchang leh, he pawikhawihna thlen hnua sorkar hma lak dante sawifiah turin, Thawhṭanni-a meeting an neih huna inlan turin a ko.

Meeting-a inlan tur hian National Investigation hotu pawh an ko bawk.

Union Home Ministry hnenah pawh an mi kohte chungchang pawh hi hriattir a ni tawh a, committee chiarman Congress MP P Bhattacharya chuan a ṭul a nih chuan Defence Secretary pawh koh a ni ang, a ti.

Bhattacharya chuan sorkar hnenah agenda paper hi an thawn tawh thu a sawi a, sorkar lam aiawhte hian thil awmdan an hrilhfiah a ngai a ni, a ti.

"Home Secretary chuan he thil hi NIA in a chhui mek lai a nih chuan thil awmdan kimchang chu a la hrilh thei dawn lo niin a sawi a, mahse an hmalak dante min hrilh hi a ṭul niin kan ngai a ni," a ti.

Ministry of Home Affairs chuan nimin khan ramchhung himna chungchang ngaihtuahin meeting a buatsaih bawk.

He meeting-ah hian BSF hotu bakah National Security advisor Ajit Doval a tel.

Pathankot airbase beih a nih chung≠chang chhuina kal zelah Gurdaspur Superintendent of Police Salwinder Singh chu National Investigation Agency (NIA) chuan ṭum nga thu an zawhfiah tawh.

Gurdaspuar SP hian airbase beitu firfiakte'n an rukbo hnuah him takin an chhuah leh niin a sawi. A thusawi avang hian amah hian rinhlelh a kai phah hle.