India-Japan in energy lama thawhdunna nghet siam tum

India leh Japan chuan energy sector lama thawhdunna ngheh zawk neih an remti.

Tokyo-a Energy Dialogue an neih hnuah, ram pahnihte hian Ningani khan electricity, renewable energy, energy conservation, coal, petroleum leh natural gas lama thawhdunna tur ruangam te an duang nghal a ni.

Union Minister Piyush Goyal chuan Japan technology leh India mi thiamte thawhdunna chuan khawvel chhawr theih tur thil a duang thei dawn a ni, a ti.

Meeting-ah hian ram pahnihte hian thawhdunna chu chak zawka kalpui a nih theihna turin video conference leh intlawhtawn neih ṭhinte an rel bawk.

Goyal chuan kum 2017-a India rama Energy Dialogue vawi 9-na neih tura tel turin Japan Economy, Trade and Industry Minister Motoo Hayashi chu a sawm nghal a ni.

Minister hian Japan financial institution hrang hrangte meeting a neihpui nghal bawk a, banker tam zawk chuan India leh Japan thawhdun danah an lungawi thu leh, anmahni pawh thawhdunnaah hian tel ve an duh thute an sawi a ni, a ti.

India leh Japan Coast Guard-te chuan nimin aṭang khan Chennai tuipuiah nunchan zirhona, "Sahyog-Kaijin" an nei.

Ram pahnih sipaite hian lawng suam≠hmangte beih let dan te, chhan≠chhuah hna thawh dante an zirdun a ni.

Sipai nunchan zirna atan hian Chennai Port-ah Indian Coast Guard (ICG) lawnglian Samudra Pehredar leh Japan lawng, Echigo-te dah an ni.