R-Day parade-ah sipai ui fingte inlan dawn

16th January, 2016

Kumina Republic Day lawmna, New Delhi-a neih turah chuan kum 26 hnua a ṭum khatna atan sipai uifingte an inlan dawn. Mahse an thiam thil lantir loin, an inlan ringawt dawn niin official chuan a sawi.

Army dog contingent-ah hian a bik taka thlanchhuah, German Shepherd leh Labrador 36 bakah anmahni enkawltu an tel dawn a ni.

Indian Army hian ui fing 1,200 vel a nei mek a, heng te hi guard duty bakah bomb chhuitu atana hman ber an ni.

Meerut-a Remount and Veterinary Corps (RVC) Centre and College ah training an neihpui ṭhin.

Ui fing leh anmahni enkawltute hian chawimawina eng emaw zat an lo dawng tawh a, Shaurya Chakra pakhat, Sena Medal paruk, COAS commendation card 142, VCOAS commendation card paruk, GOC-in-C commendation card 448 an dawng tawh a ni.