BSF dilna sorkarin a hnawl ring

Ramri venhim hna thawktu, Border Security Force (BSF) chuan dan loa ramri kaltlanga rawn lut ru ṭhinte an venna kawng khat atan phone hmanga mi inbiak lo ngaihthlak phalna, phone-tapping power pe turin sorkar laipui a dil a, mahse he dilna hi hnawlsak a nih rin a ni.

BSF chuan ruihhlo tawlh≠ru ṭhin leh firfiak pawlte inbiak≠na an hriatchhuah theihna turin Pakistan ramri-a an duty-naah phone tapping power pek rawtna a siam a, mahse Union Home Ministry chuan he rawtna hi a pawmsak dawn lo nia sawi a ni.

Intelligence official-te chuan Punjab ramri hmun 33-ah hian Pakistan-a mobile phone signal a man a, heng hmunah hian misualte hi awlsam takin Pakistan registered SIM hmangin an inbepawp thei niin an sawi.

Kumin kumtira Punjab-a Pakistan ramri kaltlanga rawn lut, firfiakte'n Pathankot airbase an beih hnu khan BSF-te hian sawisel an tawk nasa hle. Mahse BSF official-te chuan ramri hungnate chu tihchhiat a ni lo a, thermal image sensor chuan ramri vela mi che vel engmah a man lo bawk niin an sawi thung.

Punjab sorkar chuan ramri kaltlanga an state-a ruihhlo tawlhruk ṭhin pawh khuahkhirh thei loah BSF te hi a puh bawk.

Sorkar official chuan BSF rawtna siam chungchangah, phone inbiakna ngaihthlak chungchangah thuneihna nei agency an tam tawh a, a dang an dah belh thei tawh dawn lo niin a sawi.

Union Home Secretary chuan Research and Analysis Wing, Directorate of Revenue Intelligence, Enforcement Directorate leh State police-te hnenah phone tapping power hi a lo pe tawh a ni.