Hmun hrang hrangah Ganesh Chaturthi hman a ni

Hindu-te'n finna pathiana an ngaih leh thil thar bul an ṭan dawn apianga an biak hmasak ber ṭhin, Lord Ganesh pian cham lawmna, Ganesh Chaturthi chu nimin aṭang khan ram chhung hmun hrang hrangah hman a ni. Ganesh Chaturthi hi ni 10 chhung hman ṭhin a ni.

Maharashtra-ah chuan Ganesh mandal buatsaihin Lord Ganesh lim lian tak an siam a, chibai bukna an hlan a ni. Chennai-ah chuan Lord Ganesh lim hi Vetti Veru kg 1,250 zeta ritin ft. 42-a sanga siam a ni a, Mumbai, Kolkata leh Bengaluru-a Ganesh Utsav committee te chuan pandal siam dan chi hrang hrang ngaihtuahin theme dangdai tak nen Ganesh Chaturthi hi an hmang bawk

Ganesh Chaturthi pual hian PM Modi pawhin X katlangin Ganesh Chatuthi pual hian ram mipuite chibai bukin duhsakna a hlan.