Indo-Pak ramri-ah laser wall tam zawk dah dawn

Firfiakte'n ramri kana India rama rawn lut ru a, Pathankot airbase an beih avangin ramri-a venhimnate khauh zawka kalpui tuma hma lak nghal a ni.

Home Ministry chuan firfiak rawn lut ru ṭhinte danna kawng khat atan Pakistan leh India ramria hmun 40 chuangah laser wall dah vek a tum. Heng hmunte hi Punjab lui dung ami an ni.

Laser wall hmang hian ramri bula chevel chu hriat theih an ni ang a, siren ring takin a tiri thei dawn bawk a ni.

Tunah hian laser wall hi venhim ngai lai bik nia ngaih, hmun 40 vel zinga hmun 5-6 ah chauh dah a la ni .

Kumin kumtira Pathankot airbse beitu, Pakistan-a inkhuar Jaish-e-Mohammad firfiak pawl mi parukte kha Bamiyal-a Ujj lui kaltlangin an rawn lut a, he hmunah hian laser wall hi dah a ni lo. Mahse pawikhawihna a thlen hnu, kar hmasa khan Border Security Force (BSF) chuan laser wall hi an dah tawh.