Pakistan dawr turin minister-te thiamna a ṭha tawk lo: Jethmalani

Senior lawyer, Rajy Sabha MP Ram Jethmalani chuan Pathankot airbase beih a nih hnua Pakistan nena an indawr danah sorkar laipui thiltih dan chu sawi≠selin, minister-te chu Pakistan nena indawr tur hian thiamna an nei ṭha tawk lo a ni, a ti.

Pune-a chanchin thar lakhawm≠tute a kawmnaah, Jethmalani chuan, "Pathankot-a thil thleng kha thil lian tham tak a ni a, ngunthluk taka chhuizui ngai a ni. Mahse sorkarin Pakistan sorkar a dawr dan hi ngaihdam theih chi a ni lo," tiin a sawi.

Rajya Sabha MP chuan sorkarin Pakistan chu a biak chhunzawm reng a ngai a, mahse enge a sawi tur tih a hrechiang tur a ni, a ti.

"Pakistan in min be duh a nih chuan be zel rawh u, sorkar chuan eng thil nge in sawipui tur tih in hriatchian a ngai a ni. Mahse Ministry of External Affairs-ah hemi atana thiamna
ṭha nei an awm lo hi pawi ka ti hle a ni," a ti.

BJP hruaitu hlui chuan Congress President Sonia Gandhi chu National Herald thubuaiah a aiawhin a dinsak thei ang tiin a hrilh nia media-te'n an report chung≠chang a sawifiah nghal bawk.

Jethmalani chuan, Sonia Gandhi hnenah hian lehkha thawnin, "National Herald thubuaia an puhna chung≠changah i fihlim tih tarlan i duh a nih chuan Parliament-ah ni loin, court-ah a kal zawk tur a ni," tiin ka hrilh a ni.

Congress chuan lawyer ṭha tak tak an nei a, mahse a thubuai chu an laksak lo a nih chuan, amah pawihn a dinsak theih thu a hrilh mai niin a sawi bawk.

Hetihlai hian Finance Mi≠nister Arun Jailtey-a'n amah tihhmingchhiat tuma puha, Delhi Chief Minister Arvind Kejriwal-a laka defamation case a thehluhah chuan a dinsak dawn tih a sawi.