Mi larte hnenah Pan Masala fak lo turin ngen

Delhi sorkar chuan Bollywood actor Ajay Devgan, Shah Rukh Khan, Saif Ali Khan, Govinda, Arbaaz khan leh Sunny Leone-te hnenah pan masala product chu cancer thlen theitu a nih avangin fak lo turin a ngen.

Sorkar chuan ramchhungah kumtinin ka chhung cancer avangin mi nuai telin nunna an chan a, hemi venna tura vaihlo dona beihpui an thlak mekah an hmalakna chu thlawp zawk turin lemchan thiamte hi a ngen a ni.

Lemchan thiamte hnenah hian lehkha thawnin, Delhi sorkar hnuaia Additional Director (health) Dr SK Arora chuan, "TV leh media dangahte pan masala product in fakna hmuh tur a awm fo ṭhin. Heng pan masala-ah hian vaihlo leh nicotine awm kher lo mah se, areca nuts (supari) a awm a, hei hi cancer thlen theitu a nih tih scientific evidence tam tak a awm a ni," a ti.

Dr Arora chuan Indian hmeichhiate zingah vaihlo zu leh hmuam an pung nasa hle a, a hluarna chhan zingah hian advertisement hi a tel a ni, a ti.

"Tleirawl leh ṭhalaite entawn in ni a, in nundan leh tihdante entawn an tum ṭhin. Heng pan masala fakna tihchhuah hmang hian mi tam tak a hip phah thei a ni. Hei vang hian pan masala leh a anpui thil dang faknaah chuan inlan tawh lo turin ka ngen che u," tiin a sawi.