OROP: Jaitley-a in bulah sipai bangte'n nawrh huaihawt

Sipai bangte'n service laia rank inangte pension ang khata pekna tur, One Rank One Pension (OROP) scheme kalpui tum dan thlak tura sorkar an nawrna kal zelah, Pathianni khan Finance Minister Arun Jaitley-a chenna in kawtah sipai bang eng emaw zatin nawrh an huaihawt.

Sipai bangte hian kar hnih chhunga minister chenna in kawt≠ah nawrh an huaihawt ṭum hnihna a ni a, meeting an neih hmasaka an thil sawite ngai pawimawh tawk loah minister hi an puh a ni.

Group Captain (retd) VK Gandhi chuan, "January 3 khan minister in kawtah hian lungawi lohna kan lo lantir tawh a ni. A ni hian kan thil phutte chu Defence Minister Manohar Parrikar hnenah thlenin, kar khat hnua min hmuh leh tur thu min lo hrilh a ni. Mahse tun thlengin a thutiam hi a hlen lo a, eng ang minister nge a nih?" tiin a sawi.

Indian Ex-Servicemen Movement general secretary, Gandhi chuan Jaitley emaw Parrikar emaw hian inbiakna an neihpui loh chuan nawrh huaihawt chhunzawm zel an tum thu a sawi bawk.