Delhi HC-in Punjab SP lakah lie detector hman remti

Delhi High Court chuan firfiakte'n Pathankot airbase an beih chungchang chhuina kal zelah, National Investigation Agency (NIA)-in Punjab SP Salwinder Singh-a lakah 'lie detector' hman a dilna chu a phalsak.

District judge, Amar Nath chuan NIA hnenah hian nithum chhungin Salwinder Singh-a lakah polygraph test hi nei turin a hrilh a ni.

SP Singh-a'n airbase beitu firfiakte'n an rubo tia a sawi chu NIA hian a rintlak tawk loh tiin court hi a lo hrilh tawh a, hei vang hian thu dik tak an hriat chhuah theihna turin lie detector hman hi a dil a ni.

SP Singh hian amah leh a ṭhian, Rajesh Verma leh a eisiamtu Madan Gopal chu airbase beih hma hian Punjab-a Kolia khuaa firfiak, ralthuam keng mi 4-5 velin an ru bo niin a sawi.

Firfiakte hian him takin a hnuah an chhuah leh nia a sawi avangin ringhlelh a hlawh pha hle a, NIA pawh hian thu an lo zawtfiah tawh a ni.