MEA-in Canada-a zin turte fimkhur turin a chah

Khalistan firfiak, Hardeep Singh Nijjar, June thlaa Canada-a kah hlum a nih chungchangah Canada Prime Minister Justin Trudeau chuan India-in inrawlhna a nei ngei nia ngaiin, a ram leilunga a thuneihna zahsak loa ngaiin Thawhlehni khan India palai chu haw turin a hriattir tawh a, hei hi India pawhin chhang letin, India-a Canada palai chu ni nga ral hma ngeia India chhuahsan turin a hriattir ve bawk.

Hemi hnu hian Canada sorkar chuan Canada mi India-a zin turte fimkhur tura chahna thuchhuah a siam a, India pawhin Canada chhan let nan hian Ministry of External Affairs (MEA) chuan Canada-a India mi awm mekte chu fimkhur turin a chah. MEA-in hriattirna a chhuahah hian India huatna leh politics phen aṭanga inhuatna theh darh zawnga hmalakna a awm thu sawiin Canada-a awm mek leh Canada zin turte chu fimkhur turin a chah a ni.