University-a yoga zir dan ngaihtuahtu tur din

Sorkar laipui chuan ramchhung university hrang hrangah Departments of Yogic Art and Science dah dan ngaihtuahtu tur committee a din.

January 2 khan Human Resource Development (HRD) Minister, Smriti Irani kaihhruaina hnuaia vice-chancellor-te'n consul≠tative meeting an neihah, ramchhunga university zawng zawngah yoga department dah hi an lo rel tawh a ni.

HRD ministry-in committee a din hian Yogic Art and Science-a course pek theih dan turte a enfiah dawn a, yoga zirlaite tana criteria siam dan te, zirtirtu qualification tur te, training neih dan turte a ngaihtuah ang. Committee hnenah hian January 15 khan hriattirna hi pek a ni a, ni 45 chhunga report thehlut hman tura tih a ni. Committe-ah hian member 12 awmin Prime Minister Narendra Modi-a yoga teacher, Professor H R Nagendra-a'n a ho a.

Member atana ruat zingah hian Gurukul Kangri University-a Department of Yogic Science hotu Ishwar Bharadwaj, Patan≠jali University Professor Neel Kamal, Indian Yoga Federation working pre≠sident Rupen Bhowmick-te an tel.