AP-ah MLA leh official-ten antigen test nei vek dawn

Arunachal Legislative Assembly session neih a nih dawn avangin, venthawn thilah MLA leh Assembly Secretariat-a officer leh staff, security personnel-te chu antigent test nei vek tura tih an ni. 

Assembly speaker Pasang Dorjee Sona chuan Thawhṭanni khan health department, district administration, police, municipal council, ITBP leh Tomo Riba Institute of Health and Medical Sciences (TRIHMS) official-te chu meeting a neihpui a, August 27-29 chhunga Assembly session neih tur atana inbuatsaih dan turte a sawipui. Meeting-ah hian session neih chhungain Covid-19 SOP leh security kaihhnawih kalpui dan turte pawh uluk taka sawiho a ni a, session-a tel turte tana antigen test neih vek hi an rel nghal a ni. 

Speaker chuan an state-a hri kai an pun zel avangin hri darh tur venna atan Covid-19 SOP chu khauh taka kenkawh a ṭul thu a sawi. Session neih chhung leh zawh hnuah pawh Assembly Secretariat chu uluk taka kap thianghlim ṭhin turin a hriattir bawk. MLA leh midangte test-na tur hian health deparment chuan state assembly compound-ah Covid-19 testing kiosk a dah dawn a ni.