NIA-in SP Singh leh a ṭhiante in an dap

22nd January, 2016

Pathankot airbase beih chungchang chhuina kalzelah, National Investigation Agency (NIA) chuan Punjab-a Gurdaspur SP hlui, Salwinder Singh leh a
ṭhiante chenna in chu nimin khan an dap.

NIA team hian Gurdaspur-ah hmun pali leh Amritsar-ah hmun pahnih an dap. Heng hmunte hi Salwinder Singh leh December 31 zana a car-a a chuanpui mi pahnihte in a ni. Pathankot airbase beitu firfiakte chuan Singh-a car hi ti≠dingin, hemi zan hian an hmansak a ni.

Firfiakte'n an hren hnuah him takin an chhuah leh nia a sawi avangin Salwinder Singh hian rinhlelh a kai phah hle a, Thawhlehni leh Nilaini khan court-in a phalsak angin NIA chuan an dawpnaah lie detector an hmang a, phychological test neihpui leh tum a ni bawk.