Indus Water Treaty chungchangah India leh Pakistan inhmu
Ministry of External Affairs (MEA) chuan India ngenna angin Neutral Expert kaihhruaina hnuaiah Vienna-a Permanent Court of Arbitration-ah India leh Pakistan chuan Indus Water Treaty chungchang sawi dunna an nei tih a puang. Neutral Expert huaihawt sawi dunnaah hian India aiawh in Department of Water Resources Secretary leh Senior Advocate Harish Salve KC-te an tel a ni.
India leh Pakistan hi Indus luia Kishenganga leh Ratle Hydroelectric Project chungchangah buaina an nei a ni. MEA thuchhuahah chuan,"Meeting-a India tel chhan chu Indus Water Treaty chungchanga India dinna tinghet tur leh hemi pel hian kan che lo tih lantirna tur a ni a, buaina chingfel tur hian Neutral expert chauhin min pui thei a ni tih kan ring bawk," tiin an tarlang.
MEA chuan Neutral Expert thubuai ngaihthlak chu la kal lai mek leh eng emaw chhung chu la chhunzawm tura ngaih a nih thu an sawi bawk a, India chuan Indus Water Treaty inremna ang ngeia buaina chinfel a nih theihna atan theihtawp chhuah a tum thu a sawi. MEA hian July thla khan hemi chungchangah hian thuchhuah lo siam tawhin, India chu Indus Water Treaty-in a sawi tel ni lo court of arbitration-a tel tura phut luih theih a nih loh thu an sawi a ni.