Rohith-a chhungte'n University sum pek tum an hnawl

Hyderabad Central University hostel room-a inawkhlum, Dalit scholar Rohith Vemula-a chhungte chuan university-in ralna sum pek a tum chu an hnawl a, Prime Minister Narendra Modi leh Union HRD Minister Smriti Irani-te chungah an lungawi loh thu an sawi nghal bawk.

Rohith-a nu Radhika, a farnu Neelima leh a unaupa Raju-te chuan kar kalta Inrinni khan university campus hi a tlawhin, Vemula-a intihhlumnaa mawhphurtute chu thubuai siamsak ngei an phut.

HCU chuan Zirtawpni khan Rohith-a chhungte hnenah ralna, cheng nuai riat a pek tur thu a lo puang tawh a ni. Mahse Neelima chuan, "Cheng nuai riat hi kan duh lo a, cheng vaibelchhe riat pawh ni se, a thihna hmun HCU aṭang hian engmah kan la dawn lo," a ti.

Neelima chuan, "Minister Smriti Irani hian Rohith-a thih aṭanga ni nga hnuah chauh mi a rawn bia a, eng vangin nge ni nga lai a nghah kher? A ni pawh hmeichhia a ni a, nu a ni bawk a, mahse mitthi chhungte hnemna thu sawi turin ni nga lai hun a nghak a ni," a ti. Rohith Vemula-a intihhlum chhan dik tak chu an hre duh a ni tih sawiin, a farnu chuan, "Engvangin nge hrem a nih? Hrem a nih theihna tura mawhphurtute chu man a, an phu ang hremna pek an ni ve ngei tur a ni. Chu chu kan thil duh ber a ni," tiin a sawi.

Prime Minister Narendra Modi-an Rohith-a chungchang a sawinaah, 'Mother India' fapa a ni tia a sawi pawh chhangin, Neelima chuan, PM pawh a thih aṭanga ni nga hnuah chauh a
ṭawngchhuah chhan a zawt let bawk.

Rohith-a chu mi zakzum tak a ni lo a, mahni intihlum duh khawpa nawrtu an awm a ni tiin, hei vang hian a thihna pawh mahni intihlum ni loin, thah anga an ngaih thu a farnu chuan a sawi.

Rohith-a leh a ṭhiante dang pali hrem an nihna chhan, RSS zirlai pawl ABVP hruaitu, Susheel Kumar leh university vice-chancellor Appa Rao Podile-te chu hremna pek ngei an phut thu a sawi. University-in Rohith-a hrem a nih chungchang a chhungte a hriattir loh chhan a zawt nghal bawk.

Dalit zirlai intihhlum chung-chang hian buaipui a hlawh a, eptu pawl hrang hrangte chuan Dalit zirlaite hrem an nih theihna tura inrawlha puh, union minister pahnihte chu bang tura phutin, university zirlaite pawhin campus-ah lungawi lohna an lantir bawk. Mahse hemi chungchangah PM chuan thawm engmah a nei lo a, ni nga hnu, Inrinni khan a
ṭawngchhuak ve chauh a ni.

PM Modi chuan, "Rohith a intihlum thu ka hriat khan a chhungte tawrh dan tur kan hriatthiampui a ni. India chuan a fapa a chan a ni. A chhan eng emaw chu a awm ngei ang a, politics hmanga inbeihna pawh a awm ang, mahse thu dik awmsa pakhat chu nu-in a fapa duh tak a chan a, ka tawrhpui hle a ni," a ti.

Zirtawpni khan Union Minister Smriti Irani-i pawhin telephone-in Rohith-a nu hi a be bawk a, judicial inquiry neih mek a nih thu leh, rorelna dik thlentir ngei a tum thu a hrilh.

hostel room-a inawkhlum, Dalit scholar Rohith Vemula-a chhungte chuan university-in ralna sum pek a tum chu an hnawl a, Prime Minister Narendra Modi leh Union HRD Minister Smriti Irani-te chungah an lungawi loh thu an sawi nghal bawk.

Rohith-a nu Radhika, a farnu Neelima leh a unaupa Raju-te chuan kar kalta Inrinni khan university campus hi a tlawhin, Vemula-a intihhlumnaa mawhphurtute chu thubuai siamsak ngei an phut.

HCU chuan Zirtawpni khan Rohith-a chhungte hnenah ralna, cheng nuai riat a pek tur thu a lo puang tawh a ni. Mahse Neelima chuan, "Cheng nuai riat hi kan duh lo a, cheng vaibelchhe riat pawh ni se, a thihna hmun HCU aṭang hian engmah kan la dawn lo," a ti.

Neelima chuan, "Minister Smriti Irani hian Rohith-a thih aṭanga ni nga hnuah chauh mi a rawn bia a, eng vangin nge ni nga lai a nghah kher? A ni pawh hmeichhia a ni a, nu a ni bawk a, mahse mitthi chhungte hnemna thu sawi turin ni nga lai hun a nghak a ni," a ti. Rohith Vemula-a intihhlum chhan dik tak chu an hre duh a ni tih sawiin, a farnu chuan, "Engvangin nge hrem a nih? Hrem a nih theihna tura mawhphurtute chu man a, an phu ang hremna pek an ni ve ngei tur a ni. Chu chu kan thil duh ber a ni," tiin a sawi.

Prime Minister Narendra Modi-an Rohith-a chungchang a sawinaah, 'Mother India' fapa a ni tia a sawi pawh chhangin, Neelima chuan, PM pawh a thih aṭanga ni nga hnuah chauh a
ṭawngchhuah chhan a zawt let bawk.

Rohith-a chu mi zakzum tak a ni lo a, mahni intihlum duh khawpa nawrtu an awm a ni tiin, hei vang hian a thihna pawh mahni intihlum ni loin, thah anga an ngaih thu a farnu chuan a sawi.

Rohith-a leh a ṭhiante dang pali hrem an nihna chhan, RSS zirlai pawl ABVP hruaitu, Susheel Kumar leh university vice-chancellor Appa Rao Podile-te chu hremna pek ngei an phut thu a sawi. University-in Rohith-a hrem a nih chungchang a chhungte a hriattir loh chhan a zawt nghal bawk.

Dalit zirlai intihhlum chung-chang hian buaipui a hlawh a, eptu pawl hrang hrangte chuan Dalit zirlaite hrem an nih theihna tura inrawlha puh, union minister pahnihte chu bang tura phutin, university zirlaite pawhin campus-ah lungawi lohna an lantir bawk. Mahse hemi chungchangah PM chuan thawm engmah a nei lo a, ni nga hnu, Inrinni khan a
ṭawngchhuak ve chauh a ni.

PM Modi chuan, "Rohith a intihlum thu ka hriat khan a chhungte tawrh dan tur kan hriatthiampui a ni. India chuan a fapa a chan a ni. A chhan eng emaw chu a awm ngei ang a, politics hmanga inbeihna pawh a awm ang, mahse thu dik awmsa pakhat chu nu-in a fapa duh tak a chan a, ka tawrhpui hle a ni," a ti.

Zirtawpni khan Union Minister Smriti Irani-i pawhin telephone-in Rohith-a nu hi a be bawk a, judicial inquiry neih mek a nih thu leh, rorelna dik thlentir ngei a tum thu a hrilh.