Delhi Police-te'n WIPA system an hmang

Republic Day lawmna tura venhimna khauh zawka kalpuina turin, Delhi Police-te chuan khawpui chhunga hmun lunlai leh bazar lian-ahte wireless integrated public address (WIPA) system an dah.

Police-te chuan WIPA system hi khawpui chhung hmun 31 bakah, major metro station-ah 13 dah a nih thu an sawi. He system hmang hian police control room aṭangin mipuite tana hriattirna puanchhuah theih a ni ang.

Firfiakte'n Pathankot airbase an beih hnuah, ramchhunga Republic Day denchhena pawikhawihna thlen tum firfiak an awm nia thuthang a awm vangin Delhi khawpuiah pawh venhimna lam an uluk hle.

Delhi police-te chuan kar kal ta khan IS nena inzawmna neia puh mi pali chu Uttarakhand-a Haridwar district ah an man a, heng mite hi Haridwar pana tlan rel beih tuma puh an ni.

Police-te chuan firfiakte chetna a thlen thulh pawha che chhuak thei turin mock drill pawh ṭum eng emaw zat an nei tawh a ni.

Kar kalta khan NGC commando-te nen mock drill hi ṭum hnih an nei. Khawpui chhunga police station zawng zawng leh, assistant commissioners leh deputy commissioners office-te pawh emergency team pakhat ṭheuh nei vek tura hriattir an ni. He team-ah hian a bika taka train te dahin, emergency-ah chauh che chhuak tura tih an ni ang.