IS nena inzawm nia rin-hlelh mi 14 an man tawh

National Investigation Agency (NIA) chuan Islamic State (IS) nena inthlunzawm nia rinhlelh mi 14 a man tawh.

NIA investigator-te chuan an mi mante hian internet aṭangin bomb siam dante an zir niin an sawi. An kut aṭang hian bomb siam dan kimchang a lem nena an tarlannate pawh an hmu a ni. Hengte hi IS-te website aṭanga an download nia sawi a ni.

Kar kalta Zirtawpni khan NIA hian hian an mi man zinga pakhat chenna, Hyderabad aṭangin hydrogen peroxide bottle panga, timer device leh wire-te an man a, bomb siamna hmanrua pakhat nia hriat black powder pawh an man tel bawk.

Inrinni khan NIA hian rinhlelh mi pariat an man leh a, heng mite nen hian IS nena inthlunzawmna nei hriat mi 14 an man tawh a ni.

An mi mante hi Hy-derabad, Bengaluru, Tumkur, Lucknow, Mumbai leh Aurangbad mite an ni. Laptop, mobile phone, IS chanchin ziahna leh video eng emaw zat an man bawk a ni.

Police-te chuan mi 14 an mante hi IS thlawptu leh an pawl hminga police, ramdang mite lakah leh hmun pawimawhahte pawikhawihna thlen an tum tih an sawi.