BJP President atan Amit Shah thlang nawn

26th January, 2016

BJP President Amit Shah chu a term hnihna atan Pathianni khan party president ni tura thlan nawn leh a ni a, kum 2019 January thla thleng a chelh ang.

BJP chuan president atana Amit Shah thlan nawn a nih hnu hian a lawmna buatsaihin party hruaitu hrang hrangte pawh an tel.

Prime Minister Narendra Modi chu India-a cham mek, France President, Francois Hollande nen meeting an neih vangin a tel thei lo a, External affairs minsiter Sushma Swaraj leh finance minister Arun Jaitley-te pawh an zinchhuah avangin an tel hman lo. Hruaitu dangte erawh an tel ṭha hle.

President thar lawmna buatsaihah hian party hruaitu hlun, LK Advani leh Murli Manohar Joshi-te erawh an tel lo a, inkhawm zawh hnuah Shah hian an inah a tlawh a ni.

Advani leh Joshi-te hian Delhi leh Bihar inthlana Amit Shah-a kaihhruaina hnuaia an party chet chhiat dante sawichhuakin, an chak loh chhante zirchian an lo phut tawh a ni.