ATS-in website 94 a block

Anti-Terrorism Squad (ATS) chuan Islamic State (IS) firfiak pawl thlawptu nia ngaih website 94 zet an block tawh.

ATS hian National Investigation Agency (NIA) nena thawkdunin ramchhunga firfiak awmte dapchhuah hna an thawk meka, kar kalta chhung khan mi 10 chuang man an ni tawh.

ATS hotu Vivek Phansalkar chuan,"IS-te hnuhma hi Maharashtra leh state dang 10-12 velah hmuh theih a ni tawh a ni. Ṭhalai thenkhatin online hmangin an vawrhdarh mek bawk. ATS chuan an hmalakna hrang hrang hi beih let zel a tum a ni," a ti.

Firfiak pawl chuan kawng hrang hrangin ṭhalaite rilru hneh an tum tih a sawi.

Nkum September thla khan ATS hian a hmasa ber atan isdarat.in chu Arab ṭawnga IS kaihhnawih thil a tih≠chhuah avangin a block sak a ni. Site 150 chuang chu an enthla mek bawk.

Website hrang hrangte chu uluk taka an thlithlai reng tur thu sawiin, hemi atan hian ATS chuan a hrana website siam thuai a tum bawk.