Parliament inkhawm tibuaite hlawh hrensakna dan siam duh

Parliament in hnih≠a session neih tak chu member-te inauh buai avangin rorel mumal thei loin an ṭiak a, hei vang hian Rajya Sabha De≠puty Chairman PJ Kurien chuan House rorel thei loa tibuaitu member-te hlawh hrensakna tur dan siam a duh thu a sawi.

Kurien chuan rorelna tur hmun, Parliament chuan member-te buaina siam ṭhin avangin a tihtur tam tak a tih theih loh phah a ni, a ti. Parliament leh Assembly secretariat-te chuan rorel thei loa tibuaitu member-te hming chu media kaltlangin puangchhuak ṭhin se a duh thu a sawi bawk.

Kum khatah Parliament chuan rorel ṭhutkhawm ni 120 tal leh, state Assembly-te'n ni 60 tal an neih theihna turin Constitution siamṭhat a ngai tiin Kurien chuan a sawi. "Member-te inauh buai ṭhin avangin Parliament hian a thawh tur ang a thawk lo fo a ni. Hei vang hian member buaina siam ṭhinte hlawh leh allowance pek ṭhin hrensakna tur dan siam thuai a ngai a ni," a ti.