Home Ministry-in NGO-te thil neih hlutna hriatna tur dan thar siam

Ministry of Home Affairs (MHA) chuan Thawhṭanni khan dan an siam ṭhat hmangin Non-Governmental Organisation (NGO) leh pawl reng rengte chuan, khawih chet theih leh chet theih loh pawh ni se, pawl leh NGO anga ram dang aṭanga ṭanpuina hmanga an thil neih chu puangzar turin a hriattir. Ram danga aṭanga ṭanpuina (Foreign funds) dawng tur hian NGO zawng zawngte hian Foreign Contribution (Regulation) Act (FCRA) hnuaiah an in-register vek a ngai a ni.

Thawhṭannia tihchhuah Foreign Contribution (Regulation) Rules Amendment Rules, 2023-ah hian dan awm sa bakah dan thar pahnih belh a ni a, he dan thar hnuaiah hian NGO zawng zawngte chu March 31, tun financial year chhung ngeiin an thil neih zawng zawng puangzar turin a hriattir a ni. NGO-te'n an thil neih an tarlanna tur form-ah hian - an thil neih nihna, a len zawng leh khawih chet theih loh (In leh ram) a nih chuan a awmna hmun, financial year ṭan tirha an thil neih khawih chet theih hlutna, tun financial year chhunga an thil neih belh leh tihral leh financial year tawp ruala khawih chet theih leh theih loh bungrua an neih hlutna, balance sheet-a mi anga ziak tel turin a phut bawk.