Nurse-te harsatna enfiahtu tur din turin hriattir

Supreme Court chuan sorkar laipui hnenah ramchhunga private hospital leh private nursing home-a thawk nurse-te harsatna neihte enfiah a, zirchiangtu tur expert committee chu kar li chhung ngeia din turin a hriattir.

Justice AR Davi kaihhruai judge pathum awmna bench chuan sorkar laipui hnenah expert committee-in rawtna a thehluh hunah chumi zulzuia dan siam chungchang pawh ngaihtuah turin a ngen nghal bawk.

Bench-ah hian Justice Shva Kirti Singh leh Adarsh Kumar Goel-te an tel bawk a, private medical care institution-a thawk nurse-te'n an dinhmun ngaihtuah sak tura ngenna petition an thehluh chu an ngaihtuah a ni.