Defence Ministry-in major general pahnih chhui turin ngen

Defence Ministry chuan Army officer pahnih eirua puhte chungchang chu Central Buraeu of Investigation (CBI) chhuitir a ngen.

Officer pahnihte hi major general rank ve ve an ni a, an sum lakluh phu loa hausaah puh an ni.

Defence Ministry chuan officer pa≠hnihte laka complaint thehluh chu CBI hnenah a hlanchhawng a, CBI chuan lo enfiahin ministry hnenah report a pe ve leh ang. Minsitry chuan eng level pawh ni se, eiruk chu sorkarin a enliam mai mai dawn lo tih a sawi.

Officer chhui chian tura tihte hi Army Service Corps ami Kolkata-a Eastern Command-a awm lai leh, Army Ordinance Corps-a mi, Delhi-a Army headquarters-a awmlai te an ni. An pahnih hian nikum khan Ati Vishisht Seva Medal an dawng ve ve a ni.

Office pakhat zawk hi Border Roads Organization project-a eiruk chung≠changa CBI-in a chhui tawh a ni a, mahse agency hian thubuai siamsakna tur khawp thil dik lo an hmu lo niin a sawi.