Gujarat sorkar hnenah anti-terror bill thawn let

Gujarat sorkarin bill sawihlawh tak a siam, Gujarat Control of Terrorism and Organised Crime (GCTOC) Bill chu President Pranab Mukherjee-a'n thla li chhung a hren khaw≠tlai hnuah sorkar laipui chuan Gujarat sorkar hnenah a thawn let leh.

GCTOC Bill hi kum 2003 khan Gujarat assembly chuan Narendra Modi-a chief minister laiin a lo pass tawh a, nikum March thla khan a ṭum li-na atan an pass nawn leh. Mahse he bill hi President hmasa pahnihte pawhin an lo hnawlsak tawh a ni.

Kum 2004 khan he bill hi hetihlaia president, APJ Abdul Kalam chuan a lo hnawlsak tawh a, kum 2008 khan Pratibal Patil chuan hnawlin state sorkar hnenah a lo thawnkir tawh bawk. Nikum khan home ministry chuan President pawmpuina la turin a thawn leh a, mahse Pranab Mukherjee chuan president hmasate ang bawkin a lo hnawlsak ve leh.

Bill hi President hnen≠a thawn a nih hmasak
ṭum hnihah hian hetihlaia central-a sorkarna siamtu, UPA chuan Unlawful Activities (Prevention) Act nena inkalh nia sawiin hnawl tura a lo rawt tawh a ni. President hlui pa≠hnih, AJP Abdul Kalam leh Pratibha Patil-te chuan bill-ah hian police-te'n tele≠phone hmanga midangte inbiakna lo record sak leh court-ah finfiahna atana pawm phalsak an nih avangin an pawmsak thei lo a ni.