Governor ban chhan sawifiah turin sorkar hriattir

Supreme Court chuan central-a BJP kaihhruai NDA sorkar chu sorkar hmasa, UPA sorkarin Uttarakhand leh Puducherry governor atana a ruatte kum 2014-a a ban chhan sawifiah turin a hriattir.

Chief Justice TS Tha≠kur kaihhruai judge pang≠a awmna, constitution bench chuan governor ban an nih chungchang hi thil holam mai a ni lo tih sawiin, kar li chhung ngeia insawifiah turin sorkar laipui chu a hriat≠tir.

NDA sorkarin a ban hnuah, Uttrakhand leh Puducherry governor hlui Aziz Qureshi leh Virendra Kataria-te chuan Supreme Court-ah hian petition an thehlut a ni.

Kum 2014 May thlaa Prime Minister Narendra Modi kaihhruai sorkar a din hnu lawkah khan Qureshi hi governor
aṭanga ban nghal a ni. Congress hruaitu hlui, Kataria pawh 2014 July thla khan Puducherry governor
aṭanga ban a ni ve leh bawk.

NDA sorkar hian Qureshi leh Kataria te bakah Mizoram governor Kamla Beniwal a ban bawk a, UPA sorkar laia governor-a an ruat, mi dangte pawh banna thehlut turin a hrilh bawk a ni.