Official awm ṭha lote ban rawh u: PM Modi

Prime Minister Narendra Modi chuan sorkar official, warning pek tawh hnu pawha hna thawk ṭha duh lote chu ban leh an pension thlenga hren sak turin secretary-te a hrilh.

Central sorkar hnuaia secretary leh state chief secretary-te nena Nilainia inkawmna an neihah, PM Modi chuan hnathawktu zinga thawk ṭha lote chhinchiahah a, an laka disciplinary action la turin a rawn a ni. Hei bakah hian mipuite'n lungawi lohna hrang hrang an thlen ṭhinte rang taka chinfel dan ngaihtuahtu tur din turin a ti bawk.

Customs leh excise sector kaih≠hnawiha mipuite'n complain an thehluh hrang hrangte thlirkirin, Modi chuan a kaihhnawih official-te lakah na taka hremna lekkawh turin a ti.

Nilaini vek khan PM hian council of minsiter-te chu meeting neihpuiin, ministry-te hnathawh hrang hrangte an thlir let. Thla tinin Nilaini vawi hnihnaah ministry thlan bikte nen an hnathawh dante thlirkirin meeting hi a neipui
ṭhin dawn a ni. February 10-a meeting neih leh turah erawh chuan council of minister pum an tel dawn a ni.