Kerala CM laka FIR thehlut turin hriattir

Kerala-a vigilance court chuan Chief Minister Oommen Chandy leh power minister Aryadan Muhammed-te lakah FIR thehlut turin a hriattir.

CM Chandy hi sumdawng hnen aṭanga thamna sum tam tham tak dawnga puh a ni. Nilaini khan dik lo taka thiltitua puh, Saritha Nair chuan judicial commission hnenah sorkar aṭanga hamṭhatnate a dawn theihna turin CM hnenah hian cheng vaibelchhe 1.90 a pe tih a hrilh a ni.

Judicial commission hian ahmain Chandy hi an thu an lo zawt tawh a, lie-detector test neihtir an tum chu a duh lo a ni.

Nair leh a thawhpui, Biju Radhakrishnan-te chuan kum 2011 khan Team Solar Renewable Energy Solutions Private Limited an din a, kum 2013 khan investor-te bum a, an lak aṭanga solar power project atana sum tam tak an laksak avangin man an ni. Thla hmasa khan Radhakrishnan hian Chandy hnenah thamna, cheng vaibelchhe 5.5 a pe niin commission a hrilh.

CM hnena thamna pek chung≠chang chhuinaah CM staff member pathum chu hrem an ni tawh a, mahse CM hian Saritha-i te nen inzawmna an neih loh thu a sawi. Chandy chuan, "Saritha-i thusawi chu amah insawifihlim a tumna mai a ni. Thamna min pek avanga sorkar aṭanga hamṭhatna a hmuhte chu sawi rawh se," a ti. Saritha-in relief fund atana cheque a pekte pawh thawn kir leh vek a nih thu a sawi.