Hmeichhiaten ṭawngṭai turin dikna an nei : Maha CM

Maharashtra Chief Minister Devendra Fadnavis chuan Shani temple-a hmeichhia kal tumte state police-te'n an dan hnuah, a kaihhruai sorkar chuan hmeichhiate'n an duhna hmunah ṭawngṭai turin dikna chanvo an nei tih chu a pawm thu a sawi.

Ahmednagar district-a Shani Shingnapur temple hi Lord Shani puala siam a ni a, he hmunah hian hmanlai aṭangin hmei≠chiate an kal khap a ni.

Mahse hmeichhiate chuan temple-a hmei≠chhiate ṭawngṭai khap a nih hi duh lohna lantirin, Thawhlehni khan temple-a luh tum hian kawng an zawh a, kawngzawhnaah hian mi 500 chuang an tel.

Hmeichhia kawngzawhte hi police-te'n an lo dang a, an zinga mi za chuang zet chu an man zui bawk. Mahse reilote hnuah chhuah leh nghal an ni.

CM Fadnavis chuan temple enkawltute leh nawrh huaihawt mek hmeichhe aiawhte inbiak tir turin Ahmednagar district magistrate leh police hotute a hrilh. Maharashtra minister of state for home, Ram Shinde pawhin sorkar≠in an inkarah palai hna thawh a tum tih a sawi.