Rafale deal: MoU chauh ziakfel hman

Prime Minister Narendra Modi-a'n France aṭanga Rafale fighter jet 36 lei tum chungchangah France President Francois Hollande cham chhung≠in Inter-Governmental Agreement (IGA) ziahfel a nih thu a sawi laiin, official-te chuan memorandum of understanding (MoU) chauh ziah fel a nih thu an sawi.

Official-te chuan sum chungchangah ram pahnihte hi an inla inbe fel thei lo tih sawiin, sum lam tihfel loh chuan IGA hi a kim thei lo a ni, an ti. France President Hollande chuan sum lama an buaina chu ni reilotea chinfel mai theih a ni lo tiin a sawi a ni.

French official chuan inremna hi la ziahfel ni lo mah se, sum lama an buaina chu chinfel thuai beisei a nih thu President Hollande chuan a sawi tih a tarlang.

Thawhṭannia ram hruaitu pahnihte'n joint press confe≠rence an neih khan Rafale leina tur hian MoU ziah a nih thu an sawi a, mahse a hnua PM-in thu a sawinaah sum lama buaina
ṭhenkhat chinfel la ni lo mah se, IGA ziahfel a nih thu a sawi a, hei hi a hnua sorkar thuchhuah chuan a rawn nemnghet ve leh a ni. Mahse sorkarin thu≠chhuah a siam hnua chanchin thar lakhawm≠tute a kawmnaah, Foreign Secretary S Jaishankar chuan MoU a nih zawk tih a sawi ve leh bawk.