Inthiarna neih loh vangin tleirawl pakhat inhalhlum

Telangana, Nalgonda district-ah Thawhṭanni zan khan hmeichhe pakhat, kum 17 mi chu inthiarna (toilet) an neih loh avangin a inhalhlum.

Inhalhlum ta hi Kadaparthi Rekha a ni a, a nu leh pate chu an chenna-ina inthiarna siam tura a ngen thluk theih loh avangin zan dar kua vel khan khawnvartui inleih≠in a inhalhlum a ni, tiin NDTV chuan a tarlang.

Gundala sub division-a police officer, K Raju chuan Rekha te chhungkua hian inthiar≠na an neih loh avangin an daileng ṭhin tih a sawi a, inbualna atana pawh buara ip hmanga pin chawp an hman ṭhin thu a sawi. A nu leh pa hi mi huana hnathawka inhlawh ṭhin an nih avangin an inah hian inthiarna an siam thei lo tiin a sawi bawk.

Rekha a intihhlum avang hian police te chuan lo chhaih nawmnah ṭhin an awm leh awm loh an chhui zui nghal a, miin an chhaih nawmnah leh an tihzah avanga hetiang dinhmun thleng ta nia an rinthu an sawi.