Padma chawimawina an semchhuak

President Pranab Mukherjee chuan kumina Republic Day lawmna puala Padma chawimawina hrang hrang pek tur, mi 122 te chu Thawh≠ṭanni tlai khan chawi≠mawi≠na a hlan.

Chawimawina dawng mi 122 zingah mi 10-in Padma Vibhushan an dawng a, mi 19 hnenah Padma Bhushan chawi≠mawina pek niin, mi 83-in Padma Shri an dawng.

India civil mite chawimawina sang ber dawttu, Padma Vibhushan dawngtu zingah hian Tamil lemchan thiam hming≠thang- Rajinikanth, Reliance company dintu- Dhirubhai Ambani (L), media hrang hrang neitu hmingthang- Ramoji Rao, Jammu and Kashmir Governor hlui- Jagmohan leh Defence Research and Development Organisation (DRDO) hotu hlui, V K Aatre te an tel.

Civilian chawimawina sanga a pathumna, Padma Bhushan dawngtute zingah hian Bollywood lemchan thiam Anupam Kher, zaithiam Udit Nara≠yan, Comptroller and Auditor General of India (CAG) hlui- Vinod Rai, Bennett & Coleman & Co chairperson- Indu Jain, inkhel thiam- Sania Mirza leh Saina Nehwal, US Ambassador to India hlui- Robert Blackwill te an tel.

Civil mite chawimawina sanga a pali-na Padma Shri dawngtu mi 83 zingah hian Bollywood lemchan thiam- Ajay Devgan leh Priyanka Chopra bakah lemchan thiam- Saeed Jaffrey (L) pawh a tel a, MasterCard CEO- Ajaypal Singh Banga, thal kah thiam- Deepika Kumari bakah scientist- Onkar Nath Srivastava te pawh an tel.