PDP hotu-in party hruaitute kawm

Jammu and Kashmir Chief Minister Mufti Mohammad Sayeed thihna chu kar thum a liam tawh a, mahse amah thlaktu tura beisei PDP hotu leh a fanu, Mehbooba Mufti chuan tun thlengin sorkar thar a siam dawn leh dawn loh thuthlukna a la siam thei lo.

Mehbooba Mufti chuan nimin khan an party hotu lute chu meeting a neihpui a, mahse BJP nena ṭangrual sorkar an siam chhunzawm dawn leh dawn loh chungchangah thutawp an la siam thei lo.

PDP president hian BJP hian an thawhdun chungchangah intiamkamna ṭha tak an pe a nih loh chuan state sorkar siam hi a duh dawn lo nia sawi a ni. A pa leh an party-in state mipuite hnenah thu an lo tiam tawhte hlen ngei a duh nia sawi a ni bawk.

Eptu party lian pahnih, National Conference leh Congress party chuan ṭangrual pawl hi thawhpui an tum lo a, PDP president hian thutlukna a siam mai loh chuan midterm poll an neih mai a ngai dawn a ni.

Kum 2014 assembly inthlanah khan member 87 awmna assembly-ah PDP hian seat 28 lain, BJP-in seat 25, NC-in 15, Congress-in 12 leh CPI-in pakhat, People's Conference in pahnih leh party dangin seat li an nei a ni.