TN CM-in zirlaite sorkar college-ah transfer tir

Villupuram, Tamil Nadu-a medical zirlai pathumte thihna thleng chungchanga zirlai dang leh nu leh pate'n nawrh an huaihawt hnuah, an phut angin SVS Naturopathy and Yoga College-a zirlai zawng zawngte chu sorkar college-a transfer vek turin Chief Minister J Jayalalithaa-i chuan thupek a tichhuak.

CM chuan thuchhuah siam≠in, zirlai thi te kalna private college, SVS Naturopathy and Yoga College-a zirlaite chu sorkar hnuaia naturopathy leh yoga college-ah sawn vek an ni dawn tih a sawi a, homeopathy zirlaite pawh sorkar college dang≠ah sawn a ni ang, a ti.

College zirlaite hian kar kal ta khan MGR Medical university vice-chancellor hmuin, an college aṭanga sawnchhuak vek turin an ngen a ni. Zirlaite hian SVS Naturopathy and Yoga College hian an zirna atana thil pawimawhte a nei lo a, heti chung hian fee a tisang hle niin an sawi.

College-a hmeichhe zirlai pathumte chu January 23 khan college bula tuichhunchhuahah thia chhar an ni a, mahni intihluma nia sawi ni mah se an intihlumna chhanah hian college chairman Vasugi Subramanian, a pasal Subramanaian, a fapa Swakathvarma, college principal Kalanidhi-i leh a driver-te inrawlha puhin an lakah thubuai ziahluh a ni. Zirlaite thih dan hi Crime Branch- Criminal Investigation Department (CB-CID) chuan a chhui mek a ni.