NIA-te'n pawisa lem chungchangah thubuai theh luh belh

National Investigation Agency (NIA)chuan Nilaini khan pawisa lem siam chungchangah mi pali lakah supplementary chargesheet theh lutin, an zingah hian tang tlan chhia biru mek Dawood Ibrahim thawhpui Javed Chikna pawh a tel a ni.

Chikna, Javed Patel tia hriat bakah hian, Riyaz Shikilkar, Mohammad Fayaaz Shikilkar leh Nasir Chaudhari te lakah NIA chuan Indian Penal Code leh Unlawful Activities Prevention Act hnuaiah thubuai an theh lut a, Shikilkar bik hi Arms Act hmanga thubuai awrh belhtir a ni bawk. He thubuai hi Thane police-te'n Riyaz Shikilkar hnen aṭanga Rs. 2,000 note quality ṭha tak tak 149 an man kal zel a ni. NIA-te hian February 7 aṭang khan thubuai hi chhui zuiin, May thla khan hmun 6 an dap a, Mohammad Fayaaz hi an man a ni. Fayaaz hnen aṭang hian chem leh hmanraw hlauhawm tam tak a kawlte chu an man tel bawk.