Nitish Kumar leh Lalu Prasad-ten sorkar sawisel

Bihar Chief Minister Nitish Kumar leh RJD president Lalu Prasad-te chuan sorkar laipuiin smart city-a siam tur list a tihchhuah≠ah khawpui 20 a thlanchhuah zingah, Bihar leh Uttar Pradesh state amite thlan an ni ve lo chu an sawisel.

CM Nitish Kumar chuan Raghopur-a thu a sawiah hei hi sawichhuakin, "Bihar leh UP chuan BJP-in central-a sorkarna a siam theihna turin Lok Sabha seat 104 zet an pe a, mahse an lawm chaung lo a ni. Smart city list tihchhuaha state pahniha khawpuite thlan an ni ve lo" a ti.

BJP chuan inthlan hma khan smart city 100 siam a tiam a, "Mahse tunah chuan khawpui 20 chauhah an tlahniam a, Bihar leh UP telh an ni lo zui lehnghal a ni" tiin Kumar chuan a sawi.

RJD hotu Lalu Prasad pawhin sorkar laipuiin smart city a kalpui tum dan chu sawi≠selin, ani chuan 'smart village' siam a duh zawk tih a sawi. Lalu chuan April 1 aṭangin an state-ah zu khap a nih tur thu sawiin, "April 1 hma zan aṭangin tualchhunga zu siamte chu tihchhiat vek an ni tawh ang" tiin, dan leh thupek chu khauh taka kenkawh a ni chhunzawm zel dawn tih a sawi bawk.