MGNREGA pawisa pek theih loh avangin Bengal-ah AAP-in kawng an zawh

West Bengal-a Aam Admi Party (AAP) chuan nimin khan MGNREGA pawisa pek chhuah a la nih loh avanga sorkar nawr tumin Raj Bhavan panin kawng an zawh. AAP hruaitute hian West Bengal governor CV Ananda Bose an hmuh bakah an rawtnate ziaka thlenin, pawisa pek chhuah a la nih loh chhante an zawt bawk.

AAP chief spokesperson, Arnab Maitra chuan kawng zawh tawpah Governor CV Ananda Bose hmuin, sorkarin MGNREGA pawisa a la pek chhuah theih loh avanga hma la tura ngenna leh rawtnate ziaka an thlen thu a sawi a ni.

Hetih lai hian Trinamool Congress pawhin October 3 hian funds ṭhenkhat sorkar laipuiin a la kawl tan chungchangah Delhi-a lungawi lohna lantira kawng zawh an tum thu an sawi ve bawk. Inrinni khan TMC volunteer phur bus 25 chuan Kolkata an chhuahsan. Delhi-a kawng zawh tur hian mi 4,000 chuangin Delhi an pan khawm a ni.