PM Modi-a'n hmasawnna hnathawhna tur tlangzarh

Prime Minister Narendra Modi chuan nimin khan Rajasthan-ah hmasawnna hnathawhna tur tlangzarhin, Rajasthan chu a sorkar chuan an ngaihpawimawh thu leh highway, rel kawng leh expressway changkang ber ber din a duh thu a sawi bawk.

Chittorgarh, Rajasthan-a hun a hmannaah PM Modi hian project hrang hrang thawhna tur tlangzarhin, heng atan hian Rs. vbc 7,000 dah a nih thu a sawi. Hmasawnna hnathawhna tur a tlangzarh zingah hian Swadesh Darshan Scheme hnuaia Nathdwara hmuna tourism tihchangtlunna tur te, tourist lo dawnsawnna tur leh cultural centre changkang tak din te, Kota-a Indian Institute of Information Technology (IIT) hmun nghet pek te a tel thu a sawi a ni.

Rajasthan-a hun a hman zawh hnu hian PM Modi hian Gwalior, Madhya Pradesh a pan leh a, hetah hian project hrang hrang, Rs, vbc 19,620 man hu thawhna tur lungphum a phum bawk. Modi hian ram chhunga inkalpawhna lamah hmasawnna neih a nih theih nana siam Delhi-Vadodara expressway chu ram tana a hlan thu a puang a, hei bakah hian PMAY hnuaia mi zawng zawng in sakna tur, Grih Pravesh kaltlanga in nuai 2.2 sak tawh a tlangzarh bawk a ni. Gwalior leh Sheopur district-ah Jal Jeevan Mission project, Rs, vbc 1,530 man lungphum a phum a, Ayushman Bharat Health Infrastructure Mission hnuaia health centre pakua dinna tur bakah Indore-a Multi-Modal Logistic Park sakna tur lungphum a phum bawk