Ambedkar-a lim sang ber tur US-ah hawng dawn

India constitution pa tia sawi ṭhin, BR Ambedkar-a lim chu October 14 hian Accokeek city, Maryland, USA-ah an hawng dawn. India ram pawna Ambekdar lim siam zinga sang ber tur, feet 19-a sang, 'Statue of Equality' tih hi Washington aṭanga km 35-a hlaa awm, Ambedkar International Centre (AIC) huam chhungah a awm a ni.

AIC-te chuan,"Hei hi India ram pawna Babasaheb-a lim lian ber tur a ni a, Ambedkar Memorial puala din a ni. He lim kaltlang hian Ambedkar-a thuchah, zirtirna leh a sulhnute chu hmuh reng theihin awm se, mihringin dikna chanvo inang khat vek kan nei tih hi lantir se kan duh ber," tiin an sawi. Ambedkar-a lim hawnnaah hian AIC chuan Ambedkarite movement aiawh leh Ambedkar-a ngaisangtu mi tam tak an tel an rin thu an sawi bawk. Ambedkar-a lim hi khawvel huapa artist hriat hlawh Ram Sutar siam niin, Sardar Patel-a lim, Statue of Unity pawh a lo siam tawh a ni.